PINCHUK TIMOFEY ZINOVYEVICH

PINCHUK TIMOFEY ZINOVYEVICH

gvardiya podpolkovnigi, Ikkinchi jahon urushi qatnashchisi, Sovet Ittifoqi Qahramoni (15.05.1946)

1919-yil 21-fevralda Kopti qishlog‘ida (hozirgi Ukrainaning Chernigov viloyati Kozelets tumani) tug‘ilgan. Farmatsevtika institutining uchinchi bosqichini tamomlagan. Urushdan oldin Toshkentda yashagan. 1939-yilda Qizil Armiya safiga xizmatga chaqirilgan. Harbiy avtomobillar bilim yurtini tamomlagan. 1941-yildan Ikkinchi Jahon urushi qatnashchisi.
1945-yil martgacha (2-Ukraina fronti 6-gvardiya tankchilar armiyasi 2-gvardiya mexanizatsiyalashgan korpusi 4-gvardiya mexanizatsiyalashgan brigadasi) 23-gvardiya tankchilar polki komandirning o‘rinbosari bo‘lgan. Vengriya va Chexoslovakiyani ozod qilishda jonbozlik ko‘rsatgan. 1945-yil 19-martda Pinchuk birinchilar qatorida Vengriyaning Tata shahriga kirib, uning ozod qilinishi uchun janglarda faol ishtirok etadi. 1945-yil 25-aprelda Brno shahri yaqinidagi jangda vafot etgan. Chexiyaning Klobuka qishlog‘ida joylashgan maydonga dafn qilingan.
SSSR Oliy Kengashi Prezidiumining 1946 yil 15 maydagi Farmoniga binoan “Frontda nemis-fashist bosqinchilariga qarshi kurashda qo‘mondonlikning jangovar topshiriqlarini na’munali bajarganligi, ko‘rsatgan jasorati va qahramonligi uchun”, gvardiya podpolkovnigi Timofey Zinovyevich Pinchuk vafotidan so‘ng Sovet Ittifoqi Qahramoni unvoni bilan taqdirlangan.