Katta serjant Trestin Boris Izrailovich, 1923-yil 15-mayda Ukraina SSR Odessa viloyati Pervomaysk shahrida tug’ilgan, millati yahudiy, ma’lumoti tugallanmagan o’rta, 1936-yilda o’rta maktabning 5-sinfini tamomlagan.

        1941-yil iyun oyida 360-zaxira o’qchi polkining polk maktabi kursanti sifatida xizmatni boshlagan. 1941-yil avgust oyidan 1942-yil dekabr oyigacha Leningrad frontining 34-dengiz brigadasi bo’linma komandiri. 1943-yil sentabr oyigacha Leningrad frontining 124-o’qchi brigadasi vzvod komandiri yordamchisi. 1943-yil sentabr oyidan dekabr oyiga qadar Volxov frontining 851-alohida avtobatalyon bo’linmasi komandiri. 1944-yil sentabr oyigacha Leningrad frontining 10-alohida o’quv avtopolkining vzvod komandiri yordamchisi bo’lib ishlagan. 1944-yil sentabr oyidan Kirovograd shahridagi 43-avtotransport polki starshinasi bo’lgan.

         Harakatdagi armiya tarkibida fashizmga qarshi jangovar harakatlarda ishtirok etganligi uchun va xizmat faoliyati davomida “Germaniya ustidan qozonilgan g’alaba uchun” va “Leningrad mudofaasi uchun” medallari bilan taqdirlangan.