Leytenant Tokarev Vasiliy Vladimirovich, 1924-yil 12-yanvarda Voronej viloyati Novoxoperskiy tumani Alferovka qishlog’ida tug’ilgan, millati rus, ma’lumoti oliy, Toshkent temir yo’l transporti muhandislari institutini tamomlagan.

           1943-yil may oyida Toshkent piyoda askarlar bilim yurtini tamomlagach, Shimoliy Kavkaz frontining 83-tog’-o’qchi diviziyasi 45-o’qchi polkining o’qchi vzvodi komandiri etib tayinlanadi. 1943-yil avgust oyidan 1944-yil yanvar oyigacha yaralanganligi sababli 5414-sonli evakuatsiya gospitali (Essentuki sh.)da davolangan. Sog’lig’i tiklangandan so’ng, 1-Boltiqbo’yi frontining 32-gvardiya o’qchi diviziyasi 80-gvardiya o’qchi polkining o’qchi vzvodi komandiri etib tayinlangan. Yana bir jarohatdan so’ng 1944-yil avgust oyidan 1945-yil yanvar oyigacha 2627-sonli evakuatsiya gospitali (Voronej viloyati)da davolanishda bo’lgan. 1945-yil sentabr oyiga qadar Voronej harbiy okrugi o’quv o’qchi polkining 4-bo’limi o’quv o’qchi vzvodi komandiri lavozimida xizmat qilgan.

          Harakatdagi armiya tarkibida fashizmga qarshi jangovar harakatlarda ishtirok etganligi uchun va xizmat faoliyati davomida “Germaniya ustidan qozonilgan g’alaba uchun” medali bilan taqdirlangan.