Leytenant Siromyatnikova Zinaida Feofanovna, 1902-yil 11-oktabrda Boshqirdiston ASSR Ufa shahrida tug’ilgan, millati rus, ma’lumoti to’liqsiz o’rta, cherkov qoshidagi boshlang’ich maktabni va savodxonlikni oshirish kurslarini tamomlagan.

      1941-yil iyun oyidan 1942-yil sentabr oyiga qadar O’rta Osiyo harbiy okrugi IIXK maxsus bo’limining kadrlar bo’limida mashinistka lavozimida faoliyat olib borgan. 1942-yil sentabr oyida Kavkaz orti frontining 83-tog-o‘qchi diviziyasi IIXK maxsus bo’limiga ish yurituvchi-mashinistka etib tayinlanadi. 1943-yil aprel oyida kontuziya oladi. 1943-yil dekabr oyidan 1945-yil may oyigacha 2 va 3-Ukraina frontlari 78-o‘qchi diviziyasi “SMERSH” kontrrazvedka bo’limi ish yurituvchi-mashinistkasi.

         Harakatdagi armiya tarkibida fashizmga qarshi jangovar harakatlarda ishtirok etganligi uchun va xizmat faoliyati davomida “Qizil Yulduz” ordeni , “Germaniya ustidan qozonilgan g‘alaba uchun”, “Kavkaz mudofaasi uchun”, “Budapeshtni ishg‘ol etganligi uchun”, “Jangovar xizmatlari uchun” medallari bilan taqdirlangan.