General-mayor Kaverzneyev Mixail Kirillovich, 1905-yilda Ukraina SSRning Odessa shahrida tug‘ilgan, millati rus, ma’lumoti o‘rta, 1922-yilda temiryo‘l kasb maktabini, 1933-yilda Odessa energetika institutinig 2-bosqichini tamomlagan.

         1941-yilning avgust oyida IIXK Moskva viloyat boshqarmasi eksper-kriminalistika bo‘limi boshlig‘i bo’lgan. 1942-yilning iyun oyidan 1943-yilning may oyiga qadar IIXK Moskva viloyat boshqarmasi boshlig‘i o‘rinbosari, 1943-yilning may oyidan IIXK O‘zSSR xalq komissari lavozimlarida xizmat qiladi. 1945-yilning fevral oyidan 1947-yilning yanvar oyiga qadar IIXK Kuybishev viloyati boshqarmasi boshlig‘i lavozimlarida faoliyat olib boradi. 

        Harakatdagi armiya tarkibida fashizmga qarshi jangovar harakatlarda ishtirok etganligi uchun va xizmat faoliyati davomida “Qizil Yulduz”, “Shon-sharaf belgisi” ordenlari, “Germaniya ustidan qozonilgan g‘alaba uchun”, “Moskva mudofaasi uchun”, “Jangovar xizmatlari uchun”, “Ulug’ Vatan urushidagi sharafli mehnati uchun”, “I darajali Vatan urushi partizaniga” medallari bilan taqdirlangan.