APARIN VASILIY IVANOVICH

        Aparin Vasiliy Ivanovich, 1924-yil 26-yanvarda Qozog‘iston SSRning Kokchetay viloyati Nikolskoe qishlog‘ida tug’ilgan, millati rus, ma’lumoti o‘rta, 1938-yilda Andijon shahridagi maktabning 6-sinfini tamomlagan.

        Harbiy xizmatni 1942-yil sentabrda gvardiya minomyotchilari 2-o‘quv minomyotchilari brigadasi (Moskva sh.) kursanti sifatida boshlaydi. 1942-yil dekabrdan 1943-yil yanvarga qadar 315-gvardiya minomyotchilar polkida xizmat qilib, u yerdan 1943-yil yanvarda 2-Ukraina frontiga jo‘natiladi.

        Fashizmga qarshi jangovar harakatlarda harakatdagi armiya tarkibida bevosita ishtiroki uchun va xizmat faoliyati davomida “Germaniya ustidan qozonilgan g‘alaba uchun” va “Harbiy jasorati uchun” medallari bilan taqdirlangan.