Mayor Akchurin Munir Davidovich, 1925-yil 18-iyulda Penza viloyati Neyeverkin tumanidagi Bicheyevo qishlog‘ida tug‘ilgan, millati tatar, ma’lumoti oliy, 1941-yilda Namangan shahridagi 34-maktabning 9-sinfini, 1957-yilda Toshkent yuridik institutini tamomlagan.

       1943-yil iyun oyida 1-Turkiston pulemyotchilar bilim yurtini tamomlagach, 8-aviadesantchilar brigadasiga parashyutchi etib tayinlanadi. 1943-yil avgustda 169-o‘qchilar diviziyasining 680-o‘qchilar polki oddiy askari bo‘lgan. 1943-yil avgust-noyabr oylarida
2976-evakuatsiya gospitalida davolangan (Smolensk viloyati). Salomatligi tiklangach, 379-o‘qchilar diviziyasiga qarashli 1255-alohida o‘qchilar polkiga jo‘natiladi. Navbatdagi jarohatdan so‘ng 1943-evakuatsiya gospitali (Buryatiya-Mongoliya ASSR)da davolanadi hamda o‘sha yerda xizmatdan Qurolli Kuchlar zaxirasiga bo‘shatiladi.

          Harakatdagi armiya tarkibida fashizmga qarshi jangovar harakatlarda ishtirok etganligi uchun va xizmat faoliyati davomida “Germaniya ustidan qozonilgan g‘alaba uchun”, “Jangovar xizmatlari uchun”, “Harbiy jasorati uchun”, “Ulug‘ Vatan urushidagi sharafli mehnati uchun”, “I va II, III darajali benuqson xizmatlari uchun”, “Ulug‘ Vatan urushida qozonilgan g‘alabaga 30 yil”, “Qurolli Kuchlarga 40 va 50 yil” medallari bilan taqdirlangan.