SVIDERSKIY ALEKSANDR GRIGOREVICH

SVIDERSKIY ALEKSANDR GRIGOREVICH

 mayor, Ikkinchi jahon urushi qatnashchisi, Sovet Ittifoqi Qahramoni (16.05.1944).

1908-yil 10-iyunda Sumi viloyati (Ukraina) Konotop tumani Karabutovo qishlog‘ida ishchi oilasida tug‘ilgan. Ukrаin. Qishloq maktabini tamomlagan. Savdo xodimlari kasaba uyushmasi Konotop tumani qo‘mitasining kotibi bo‘lib ishlagan. 1928-yildan Qizil Armiya safida. 1931-yilda Kirov otliqlar maktabini, 1932-yilda qo‘mondonlik malakasini oshirish kursini tamomlagan.
1941-yil iyunidan Ikkinchi jahon urushida qatnashgan. G‘arbiy va 4-Ukraina frontlarida jang qilgan. 867-o‘ziyurar artilleriya polkining komandiri (4-Ukraina fronti,19-tank korpusi,202-tank brigadasi) bo‘lgan.
1941-yil 27-iyunda og‘ir yaralanadi. Shifokorlar uni harbiy xizmatga yaroqsiz deb topishadi. Gospitaldan chiqqanida, Samarqand viloyatining harbiy komissari etib tayinlanadi.
Ofitserlik kursini tugatgandan so‘ng, yana armiyaga qaytadi. 1944-yil aprel oyining boshida kuchli artilleriya va aviatsiya tayyorgarligidan so‘ng, 4-Ukraina fronti 51-armiyasi qo‘shinlari hujumga o‘tishadi va 10-aprelga kelib Sivash hududida dushmanning mudofaasi yorib kirishadi.
1944-yil 11-aprel kuni Qrim viloyati Djankoy shahri uchun jangda jonbozlik ko‘rsatadi. Artilleriyachilar tank va zirhli poyezdni yakson qiladi, 4ta zenit uskunalarini yo‘q qiladi va sovet tank qo‘shinlarini shaharga kirishini ta’minlaydi.
1944-yil 17-aprel kuni Sevastopol shahri ostonasida Uglovoye qishlog‘i yaqinida og‘ir jarohatdang so‘ng vafot etadi. Baxchisaray (Qrim) birodarlik qabristoniga dafn qilingan.
SSSR Oliy Kengashi Prezidiumining 1944-yil 16-maydagi Farmoni bilan “Frontda nemis-fashist bosqinchilariga qarshi kurashda qo‘mondonlikning jangovar topshiriqlarini namunali bajarganligi, ko‘rsatgan jasorati va qahramonligi uchun”, mayor Sviderskiy Aleksandr Grigorevich Sovet Ittifoqi Qahramoni unvoni bilan taqdirlangan (vafotidan so‘ng).