SAMOYLOV DMITRIY ALEKSANDROVICH

SAMOYLOV DMITRIY ALEKSANDROVICH

kapitan, Ikkinchi Jahon va Koreya urushi qatnashchisi, Sovet Ittifoqi Qahramoni (1951)

1922-yil 31-dekabrda Turkiston ASSRning Farg‘ona viloyati, Qo‘qon shahrida tug‘ilgan xizmatchi oilasida. 1920-yillarda oila Qo‘qon, Samarqand, Moskva va Toshkentda yashagan. 1931-yilda Elektrostal shahriga ko‘chib o‘tgan. 1940-yilda Moskva viloyati Elektrostal shahridagi o‘rta maktabning 9-sinfini va o‘sha yili Noginsk aeroklubni tugatgan.
1940-yil dekabrdan Qizil Armiyada. 1941-yilda A.F.Myasnikov nomidagi Kachin harbiy aviatsiya maktabini tamomlagan. 1945-yilda P. Osipenko nomidagi Konotop uchuvchilar harbiy-aviatsiya maktabini tugatgan. 1946-yilgacha yoriqchi uchuvchi bo‘lib xizmat qilgan. Ikkinchi jahon urushining jangovor harakatlarida bevosita qatnashmagan, ammo qonunchilikka binoan urush davrida Qizil Armiyada xizmat qilgani uchun urush qatnashchisi maqomiga ega bo‘lgan.
946-yildan – Latviya SSR Tukums shahrida joylashgan 171-qiruvchi aviatsiya polkining uchuvchisi (315-qiruvchi aviatsiya diviziyasi, 14-qiruvchi aviatsiya korpusi, Boltiq harbiy okrugi harbiy-havo kuchlari). Keyin polk Belorusiya harbiy okrugidagi Lida aerodromiga ko‘chib o‘tgan. 1950-yil iyundan – Koreya urushi boshlanishi sababli Uzoq Sharqqa ko‘chirilgan 523-qiruvchi aviatsiya polkining uchuvchisi, katta uchuvchisi bo‘lgan. Polk Primorsk o‘lkasida joylashtirilgan. 1951-yil martda polk bilan Mukdenga uchib boradi va 2 oydan so‘ng jangga kiradi.
1951-yil maydan 1952-yil fevralgacha Koreyada urush qatnashchisi. MiG-15-da 161 ta jangovar parvozni amalga oshirgan, 60 ta havo urishida dushmanning 10 ta samolyotini (bitta strategik bombardimonchi va 9 ta reaktiv qiruvchi samolyotni) urib tushirgan.
SSSR Oliy Kengashi Prezidiumining 1951-yil 13-noyabrdagi Farmoni bilan “Harbiy burchni bajarishda ko‘rsatgan maxorati va jasorati uchun”, kapitan Samoylov Dmitriy Aleksandrovichga Sovet Ittifoqi Qahramoni unvoni bilan taqdirlangan.
1960-yil iyulda I-darajali harbiy uchuvchi podpolkovnik unvoni bilan nafaqaga chiqqan.
Moskva viloyati Elektrostal shahrida yashagan. 1965-yilda muhandislik texnikumini tamomlagan. 1988-yilgacha Elektrostal og‘ir mashinasozlik zavodida muhandis bo‘lib ishlagan. 2000-yil 27-aprelda unga zaxira polkovnigi harbiy unvoni berilgan.
2012-yil 15-avgustda Moskva viloyati Elektrostal shahrida vafot etgan.